Беларусы былі затрыманыя, калі спрабавалі перашкодзіць Маршу роўнасці ў Варшаве
Марш роўнасці ў Варшаве / tvn24.pl
Беларусы былі затрыманыя, калі спрабавалі перашкодзіць Маршу роўнасці ў Варшаве. Пра гэта паведамляе былы палітвязень і беларускі добраахвотнік ва Украіне Ціхан Клюкач.
"Разам з палякамі яны выйшлі ў абарону традыцыйных каштоўнасцяў, у абарону нашай супольнай будучыні — будучыні Еўропы", — апісвае падзеі Клюкач. І дадае, што затрыманых можа быць шасцёра.
"Некалькі асобаў спрабавалі пратэставаць, але вельмі хутка былі ізаляваныя паліцыянтамі, якіх, трэба сказаць, тут дужа шмат", — расказвае рэпарцёр TVN24, які бачыў затрыманне.
Адзін з трох запланаваных на чэрвень Маршаў роўнасці праходзіць у Варшаве 15 чэрвеня. Шэсце пад патранатам прэзідэнта горада Рафала Тшаскоўскага ўжо скончанае, цяпер час для "афтэрпаці".
