Чаканне на межах: аўтобусам да Вільні — 12 гадзін, машынай да Варшавы — 16
Чарга з аўтобусаў на выезд з Беларусі / Тэлеграм
8 верасня на межах Беларусі і краінаў Еўрасаюза захоўваюцца шматгадзінныя чэргі. Аднак кіроўцы і пасажыры заўважаюць, што сітуацыя заўважна палепшылася ў параўнанні з тым, што адбывалася тыдзень таму.
На праходжанне мяжы па дарозе з Мінска да Вільні аўтобусам сёння спатрэбіцца 12 гадзін. Цікава, што аўтамабілі ў дадзены момант праходзяць кантроль на мяжы нашмат хутчэй.
Аўтобусам з Мінска да Варшавы сёння можна дабрацца недзе за суткі. З іх 16 гадзін давядзецца правесці на мяжы. З аўтамабілямі сітуацыя такая ж.
На ўезд у Беларусь з Літвы і з Польшчы чэргаў практычна няма, кантроль на мяжы займае некалькі гадзін.
