Чаму спяшаецца Лукашэнка? Меркаванне Аляксандра Фрыдмана

Нечакана раннія выбары прэзідэнта ў Беларусі могуць быць звязаныя з выбарамі ў ЗША, а дакладней, з уступленнем на пасаду новага прэзідэнта гэтай краіны, якое адбудзецца 20 студзеня, мяркуе палітычны аглядальнік і гісторык Аляксандр Фрыдман.

"Пасля гэтага ў лютым ці сакавіку тэарэтычна могуць адбыцца перамовы па Украіне, у якіх Лукашэнка хоча ўдзельнічаць. І да іх ён хацеў бы падысці без лішніх клопатаў", — кажа Фрыдман.

Прэзідэнтскія выбары ў Беларусі пройдуць 26 студзеня — то бок, праз тры месяцы.

Згодна з заканадаўствам, рэгістрацыя ініцыятыўных груп павінна адбыцца не пазней чым за 85 дзён да мерапрыемства. Гэта значыць, што цягам 10 дзён усе прэтэндэнты на пасаду мусяць вызначыцца і падаць дакументы ў ЦВК.

Праз 15 дзён ужо могуць рэгістраваць кандыдатаў у прэзідэнты. Па 100 тысяч подпісаў усе патэнцыйныя кандыдаты мусяць сабраць да 7 снежня.