Дураў расказаў на допыце пра кантакты з французскай контрвыведкай
![Павел Дураў](/sites/default/files/styles/gallery_main/public/2024-08/6666920007be88f06ce946fa-1900x.jpg.webp?itok=udficmwu)
Павел Дураў / @durov
Заснавальнік Telegram Павел Дураў на допыце ў Парыжы распавёў пра кантакты з французскай контрвыведкай. Такім чынам ён аспрэчваў прэтэнзіі ў адмове ад супрацоўніцтва з уладамі па тэме барацьбы са злачыннасцю.
Як піша Liberation, падчас допыту Павел Дураў заявіў, што "адкрыў афіцыйны канал сувязі" з французскай контрвыведкай у рамках барацьбы з тэрарызмам.
Таксама прадпрымальнік нібыта падкрэсліваў, што абмен інфармацыяй па гэтым "канале сувязі" дапамог прадухіліць некалькі тэрактаў.
Дураў быў затрыманы пасля прызямлення ў Парыжы 24 жніўня. Пазней яму прад'явілі абвінавачванне па некалькіх артыкулах. Ён на волі, але не можа пакідаць тэрыторыю Францыі.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.