18:44 Minsk Ghetto victims remembered

У пятніцу на тэрыторыі мемарыяльнага комплексу "Яма" адбыўся мітынг, прысвечаны памяці вязняў Мінскага гета.  Паводле слоў старшыні Беларускага грамадскага аб'яднання яўрэяў - былых вязняў гета і нацысцкіх канцлагераў Міхаіла Трэйстэра, 65 гадоў таму ў Мінскім гета акупанты ўчынілі чарговы пагром, ахвярамі якога былі 5 тыс. чалавек, а таксама прыкладна 200 выхаванцаў дзіцячага дома разам з персаналам.

Увогуле, у горадзе былі праведзены яшчэ чатыры такія акцыі. У кастрычніку 1943 года Мінскае гета колькасцю больш за 100 тысяч чалавек было поўнасцю знішчана, і, паводле тэрміналогіі фашыстаў, Беларусь стала краінай, свабоднай ад яўрэяў.

Калі Мінск быў вызвалены, у сталіцы заставалася ўсяго 13 яўрэяў.