Эстонскія візавыя цэнтры ў Беларусі часова прыпыняюць працу

Эстонскія візавыя цэнтры ў Беларусі часова прыпыняюць працу

Часова прыпыняюць працу візавыя цэнтры Эстоніі ў Беларусі, паведамляе візавы пасярэднік VFS Global. 

У гэтых цэнтрах можна было падаць дакументы на эстонскую, фінскую ці шведскую Шэнгенскую візу.

З 14 чэрвеня працу часова спыняць візавыя цэнтры ў Баранавічах, Брэсце, Віцебску, Гомелі, Гродне, Лідзе, Магілёве і Пінску. А з 15 чэрвеня закрыецца цэнтр у Мінску.

Перапынак абвешчаны на тры тыдні. Аднавіць прыём дакументаў на "Шэнген" у візавых цэнтрах Эстоніі плануецца 5 ліпеня.

Раней у Беларусі спынілі працу латвійскі візавы цэнтр і візавы цэнтр Іспаніі.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі