Корбан: Мінскія ўлады лічаць усталяванне помніка Каліноўскаму несвоечасовым

Вось што распавёў Еўрарадыё лідар аргкамітэта па стварэнні грамадскай арганізацыі "Альтэрнатыва" Алег Корбан:
 

"Гарадскія ўлады лічаць усталяванне помніка Каліноўскаму несвоечасовым і лішнім. І прыводзяць прыклад, што нядаўна на адзін з дамоў па вуліцы Каліноўскага была вернутая памятная дошка з бюстам Каліноўскага... У іх ёсць план на бліжэйшыя гады, згодна з якім помнік Каліноўскаму будзе прадугледжвацца, але не раней, чым у 2018 годзе. Зноў жа там няма ніякай канкрэтыкі".
 

Корбан лічыць такі адказ звычайнай адпіскай ды нагадвае, што за ўсталяванне ў Мінску помніка Кастусю Каліноўскаму было сабрана 4 тысячы подпісаў. Таму грамадскія актывісты не збіраюцца апускаць рукі ды падумаюць пра арганізацыю акцый пратэсту.

Нагадаем, на мінулым тыдні ў сталіцы з'явіліся плакаты "Мінску — помнік Кастусю Каліноўскаму!".
 

Тэатр драматургіі прыбраў з рэпертуара спектакль пра Каліноўскага (фота)
 

Фота — Альтэрнатыва