Макей: Беларусь не хоча бачыць канфрантацыі ад Усходняга партнёрства

8 чэрвеня ў Маскве прайшла сустрэча міністраў замежных спраў Беларусі і Расіі. На прэс-канферэнцыі па выніках сустрэчы Уладзімір Макей паведаміў, што для міністраў няма закрытых тэм, перадае БелаПАН.

Беларускі дыпламат кажа, што вельмі зацікаўлена абмеркаваў з Сяргеем Лаўровым развіццё ініцыятывы "Усходняе партнёрства". Па словах Макея, "Беларусь выступала, выступае і будзе паслядоўна выступаць супраць спроб надаць канфрантацыйны характар ​​гэтай ініцыятыве нашых еўрапейскіх партнёраў".

Таксама бакі абмеркавалі ўзброены канфлікт на ўсходзе Украіны. "Мы лічым, што мінскія дамоўленасці на сёння з'яўляюцца адзіным дзейсным механізмам для вырашэння сітуацыі", — канстатаваў Макей.

Фота — mfa.gov.by