Малдоўскі плацдарм: ці існуе імавернасць вайны ў Малдове

У апошні тыдзень расійскае Мінабароны і прапагандысцкія СМІ ўзмоцнена пашыралі інфармацыю пра нібыта падрыхтоўку ўкраінскай арміі да нападу на… Малдову. Ну, як мінімум да ваенных правакацый на мяжы з Малдовай рыхтаваўся Кіеў. Відаць, таму, што вайны на ўсходзе краіны і небяспекі чарговага нападу з тэрыторыі Беларусі ўкраінцам мала. 

Ці вераць у Малдове ў пагрозу з боку УСУ і якія сёння адносіны паміж Кішынёвам і Кіевам? Што з сябе ўяўляе Прыднястроўе і ці моцныя прарасійскія настроі ў краіне? Ці можа Малдова разлічваць на дапамогу NATO ў выпадку ваеннай агрэсіі з усходу? На гэтыя ды іншыя пытанні ў эфіры Еўрарадыё адказвае палітолаг, дырэктар малдоўскага Рэсурснага цэнтра па правах чалавека Серджыу Остаф.