На беларускай мяжы памёр польскі салдат
На мяжы Беларусі і Польшчы, ілюстрацыйнае фота / twitter.com/Straz_Graniczna
У чацвер, 25 красавіка, на мяжы з Беларуссю памёр вайсковец войскаў тэрытарыяльнай абароны Польшчы. Смерць наступіла па натуральных прычынах, паведамляе прэс-служба войскаў тэрытарыяльнай абароны.
Салдату 14-й Заходне-Паморскай брыгады, які быў у патрулі разам з памежнікамі, раптам стала кепска, і ён страціў прытомнасць. "Хуткая дапамога" даставіла яго да бліжэйшага шпіталя. Мужчыну спрабавалі рэанімаваць, але ўратаваць жыццё не змаглі.
