На ўкраінскай мяжы ў пункце “Олтуш” магчымыя чэргі

Дзяржаўны памежны камітэт папярэджвае пра магчымыя чэргі на беларуска-ўкраінскай мяжы ў пункце пропуску “Олтуш”. На ўкраінскім баку (пункт “Пішча”) здарыліся праблемы з праграмным забеспячэннем мытнага афармлення. З гэтай прычынай на пераходзе “Пішча” — “Олтуш” могуць утварацца заторы.

Падарожнікам і грузаперавозчыкам рэкамендуюць выбіраць іншыя маршруты. Бліжэйшыя пункты ў гэтым кірунку — “Тамашоўка” (для грамадзян Беларусі і Украіны) і “Макраны” (міжнародны), паведамляе БЕЛТА.