На волю выйшлі музыкі гурта Irdorath Уладзімір і Надзея Калачы
Irdorath / фота з сацсетак гурта
На волю выйшлі музыкі гурта Irdorath Уладзімір і Надзея Калачы, паведамляе праваабарончы цэнтр "Вясна".
Музыкі гурта актыўна ўдзельнічалі ў маршах 2020-га, дзе гралі на дудах падчас мірных шэсцяў.
2 жніўня 2021 года падчас святкавання дня нараджэння Надзеі іх затрымалі на лецішчы пад Мінскам. Надзею і Уладзіміра асудзілі на 2 гады калоніі, абвінаваціўшы ў дзеяннях, якія груба парушаюць грамадскі парадак (арт. 342 КК).
Сёння муж і жонка выйшлі на волю, цалкам адбыўшы тэрміны. Яны былі за кратамі 1 год 8 месяцаў і 19 дзён.
Раней на волю выйшлі іншыя музыкі гурта — Юлія Марчанка, Пётр Марчанка і Антон Шніп, асуджаныя на 1,5 года калоніі.
