Памілаваныя яшчэ 32 палітвязні
Расцяжка "Свабоду палітвязням", ілюстрацыйнае фота / bchd.info
У Беларусі памілаваныя яшчэ 32 палітвязні. Гэта 24 мужчыны і восем жанчын.
Імёны памілаваных афіцыйныя крыніцы не называюць.
Паведамляецца, што сярод іх 17 чалавек з хранічнымі захворваннямі, адзін з інваліднасцю. У 17 вязняў ёсць дзеці, сярод іх дзве асобы — шматдзетныя.
Дзевяць з памілаваных — старэйшыя за 50 гадоў.
Папярэдні раз пра памілаванне групы палітвязняў (дзве жанчыны і 29 мужчын) паведамлялася 7 лістапада.
Памілаванні палітвязняў адбываюцца на фоне штодзённых затрыманняў, арыштаў і судоў.
