Неліквідаваныя наступствы леташняга ўрагану выявілі на Гомельшчыне
Наступствы ўрагану / @minskenergo
У Гомельскай вобласці дагэтуль не ліквідаваныя наступствы ўрагану, які прайшоў там улетку 2024 года.
Як паведамляе прэс-служба камітэт дзяржкантролю, работы працягваюцца ў Васілевіцкім, Жлобінскім і Мазырскім лясгасах.
"Выяўленыя ветравалы, якія ўтварыліся ў ліпені 2024 года, але не ўключаныя ў аператыўную справаздачнасць", — кажуць у Дзяржкантролі.
Магутныя ўраганы прайшліся па Беларусі ў сярэдзіне ліпеня. Пасля іх былі зафіксаваныя маштабныя пашкоджанні і разбурэнні. Найбольш пацярпела Гомельская вобласць, дзе загінулі сем чалавек. Напрыклад, Мазыр заставаўся без электрычнасці і водазабеспячэння.
