Невядомы беспілотнік атакаваў іжэўскі завод "Купал"
Выбух на вайсковым заводзе ў Іжэўску / Скрыншот
Невядомы беспілотнік атакаваў іжэўскі вайсковы завод "Купал". На ім вырабляюць ЗРК "Тор" і радыёлакацыйныя станцыі, а па некаторых даных — і ўдарныя дроны.
Кіраўнік Удмуртыі Аляксандр Брачалаў заявіў, што адзін БПЛА ўпаў у раёне цэха завода. Паводле яго словаў, там "выбіла шкло, але сур'ёзных разбурэнняў няма". Пацярпеў адзін чалавек.
Гэта першы вядомы ўдар беспілотніка па Удмуртыі. Ад Іжэўска да Кіева па прамой — больш за 1600 км. Гэты расійскі горад размешчаны бліжэй да Казахстана, чым да Украіны.
