Няспраўная машына МНС у Барысаве выехала з праезнай часткі на газон (фота)

ДТЗ з няспраўным аўтамабілем Міністэрства па надзвычайных сітуацыях адбылося ў Барысаве 19 жніўня.

Па яго звестках, па дарозе на пажар у спецаўтамабіля нечакана адмовілі тармазы. Кіроўца з'ехаў з праезнай часткі на газон, дзе здолеў спыніцца. Пры гэтым быў разбіты каналізацыйны люк. 

Журналістам парталу TUT.by пацвердзілі гэтую інфармацыю ва ўпраўленні МНС па Мінскай вобласці.

Па словах прадстаўніцы МНС па Мінскай вобласці Анастасіі Швайбовіч, аўтацыстэрна ехала да месца выкліку, калі ў ёй узнікла тэхнічная непаладка. "Кіроўца прыняў усе меры для таго, каб спыніць машыну, пры гэтым ніхто не пацярпеў", — дадала яна.

Цяпер аўтацыстэрну абследуюць спецыялісты і высвятляюць прычыну здарэння.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.