Падзенне самалёта Як-130 у Баранавічах трапіла на відэарэгістратар
Падзенне самалёта Як-130 у Баранавічах выпадкова трапіла на відэарэгістратар. Аўтар відэа даслаў яго мясцовай газеце Intex-press.
Трагедыя адбылася ў Баранавічах 19 траўня. Падчас вучэбнага палёту ваенны самалёт упаў паміж прыватнымі дамамі ў цэнтры горада. Пры гэтым абодва пілоты катапультаваліся, але загінулі. Гэта маёр Андрэй Нічыпорчык і лейтэнант Мікіта Куканенка. Абодва лётчыкі былі жанатыя, у Андрэя Нічыпорчыка засталіся трое дзяцей.
Лётчыкі рыхтавалаіся да авіяшоу, запланаванага на Дзень горада, які ў Баранавічах меліся адзначаць у бліжэйшыя выходныя. Пасля трагедыі святкаванне адмянілі.
