Ультраправыя правальваюцца ў другім туры выбараў у парламент Францыі
Макрон галасуе на парламенцкіх выбарах у Францыі / MOHAMMED BADRA / AFP
Па выніках экзіт-полаў, праведзеных на замову газеты Le Figaro, у другім туры пазачарговых выбараў у парламент Францыі ўльтраправыя з трэскам правальваюцца. "Нацыянальнае аб'яднанне" забірае ўсяго толькі ад 130 да 145 месцаў з 577.
Інакш кажучы, Партыя Жардана Бардэлы і Марын Ле Пэн, якая падчас галасавання тыдзень таму апынулася ў лідарах, 7 ліпеня не змагла атрымаць нават простую большасць, якая складае 289 дэпутатаў. "Нацыянальнае аб'яднанне" прайграе і кааліцыі прыхільнікаў дзейнага прэзідэнта Францыі Эманюэля Макрона (ад 164 да 174 месцаў), і "Новаму народнаму фронту", які займае ад 180 да 205 фатэляў у парламенце.
Участкі для галсавання закрыліся ў 20:00. Падлік галасоў будзе працягвацца ўсю ноч.
