Палітвязню Рыгору Кастусёву зрабілі аперацыю
Рыгор Кастусёў на судзе
Палітвязню Рыгору Кастусёву зрабілі аперацыю. Пра гэта ў сацсетках паведаміў яго зяць Зміцер Антончык.
"Рыгору Кастусёву зрабілі аперацыю — вывелі катэтар з мачавога пузыра... І адразу з аперацыйнага стала адправілі ў камеру", — напісаў ён у Фэйсбуку.
Кіраўніка Партыі БНФ (цяпер юрыдычна ліквідаванай) Рыгора Кастусёва асудзілі да 10 гадоў калоніі. У зняволенні ў яго абвастрыліся праблемы са здароўем — у яго выявілі анкалагічнае захворванне. Эксперты ААН параўналі з катаваннем яго ўтрыманне за кратамі і заклікалі рэжым Лукашэнкі памілаваць Кастусёва.
