Памёр вядомы мадэльер Пака Рабан
Пака Рабан / Vladimir Lukjanov/Russian Look/Global Look Press
Ва ўзросце 88 гадоў памёр Пака Рабан, заснавальнік уласнага дома моды Paco Rabanne.
Сапраўднае імя яго было Франсіска Рабанеда-і-Куэрва. Мадэльер нарадзіўся ў Краіне Баскаў, але працаваў у пераважна ў Францыі.
Пака Рабан праславіўся сваім адзеннем з альтэрнатыўных матэрыялаў — пластыка, паперы і металу. Сусветная вядомасць да яго прыйшла ў 60-я гады мінулага стагоддзя. Яго ўборы насілі такія зоркі кіно, як Одры Хёпберн і Джэйн Фонда.
