Паротнікаў: паляпшаючы ўласны дабрабыт — паляпшаць дабрабыт усёй нацыі
23 верасня ў эфіры Еўрарадыё — кіраўнік Аналітычнага праекта Belarus Security Blog Андрэй Паротнікаў.
Разважаючы пра новую Беларусь, мы павінны ўсведамляць каштоўнасць гістарычнага і культурнага досведу нацыі. Толькі тады, з дапамогай штодзённай салідарнасці і падтрымкі адно аднаго, мы здолеем змяніць краіну і саміх сябе да лепшага, перакананы Андрэй Паротнікаў.
Пра тое, чаму наяўныя ў краіне сілавыя структуры не з’яўляюцца абаронцамі інтарэсаў народа, якую ролю ў фармаванні новых адносінаў у грамадстве маюць гісторыя і культура, а таксама пра… беларускую манархію мы і разважаем у праграме “Ідэя Х” з Андрэем Паротнікавым.
Набыць кнігу "Беларуская нацыянальная ідэя" (PDF) можна тут
Філосафы і мысляры мінулага сцвярджалі, што нацыянальная ідэя павінна быць у кожнай нацыі. Нехта перакананы, што мы яшчэ да сваёй нацыянальнай ідэі не дараслі. Іншыя сцвярджаюць, што такая ідэя ў беларусаў ёсць.
Дык ёсць у беларускай нацыі свая нацыянальная ідэя ці не? І калі мы да сваёй націдэі яшчэ не дараслі, то ці можам лічыцца нацыяй? Магчыма, нам варта ўзяць ды сфармуляваць такую ідэю для беларусаў?
На нашу думку, прыспеў час распачаць дыскусію і вызначыць, сфармуляваць беларускую нацыянальную ідэю. І мы працягваем гэта рабіць у аўтарскай праграме “Ідэя Х”, якую па-ранейшаму вядуць рэдактар Еўрарадыё Зміцер Лукашук і маскоўскі філосаф Максім Гаруноў.
Па завядзёнцы ў якасці гасцей, якія дапамагаюць нам фармуляваць нацыянальную ідэю, — палітыкі і літаратары, эканамісты і музыканты, айцішнікі і культуролагі. Усе вы.
Праграма выходзіць штотыдзень у чацвер у 14:00.
Партнёры праграмы — крама з нацыянальным каларытам Symbal.by і грамадская кампанія "Годна".
Папярэднія выпускі праграмы "Ідэя Х" можна глядзець тут:
