ПАСЕ просіць беларускія ўлады не забіваць Аляксандра Таратуту
Аляксандр Таратута / sb.by
ПАСЕ просіць беларускія ўлады не выконваць смяротны прысуд Аляксандру Таратуту. Генеральны дакладчык па пытанні адмены смяротнага пакарання Аляксандр Нікалоскі асудзіў вышэйшую меру і зноў заклікаў да яе адмены.
— Беларусь застаецца адзінай краінай у Еўропе, дзе выносяць і прыводзяць у выкананне смяротныя прыгаворы насуперак сусветнай тэндэнцыі іх адмены, — гаворыць Нікалоскі.
У ПАСЕ прапануюць Беларусі адмовіцца ад смяротнай кары, якая “наносіць удар па самой сутнасці чалавечай годнасці і ёй не павінна быць месца ні ў адным сучасным грамадстве”.
19 кастрычніка Аляксандра Тарутуту прысудзілі расстрэл за забойства трохгадовага сына Сямёна. Жонку Аляксандра, Анастасію, адправяць ў калонію строгага рэжыму на 25 гадоў.
