Піўны A-fest з Джонам Н'юманам, De-Phazz і Akute пройдзе ў Мінску
12 жніўня ў мінскім Лошыцкім парку пройдзе вялікі open air A-fest. Яго хэдлайнерам стане аўтар хіта "Love Me Again" Джон Н'юман. Разаграваюць яго будуць не менш вядомыя De-Phazz, беларусы Akute і украінская піяністка Марыя Чайкоўская.
Па словах арганізатараў, сёлета яны збіраюцца павялічыць у два разы фуд-зону, колькасць біятуалетаў, а таксама абяцаюць вельмі хутка разліваць піва, дзякуючы адмысловаму абсталяванню. Таксама на фэсце будзе паркоўка для ровараў, а вось з сабакамі ў парк не пусцяць. Уваход будзе вольны.
