Плыўчыха Анастасія Шкурдай устанавіла новы нацыянальны рэкорд
Плыўчыха Анастасія Шкурдай устанавіла новы нацыянальны рэкорд Беларусі. На гэты раз на дыстанцыі 50 метраў на спіне — 26,05 секунды. Адбылося гэта на спаборніцтвах ISL у Эйндховене. Шкурдай выступае за французскую каманду "Энерджы Стандарт". На дыстанцыі яна была другой.
Напярэдадні плыўчыха ўстанавіла новы нацыянальны рэкорд на дыстанцыі 200 метраў на спіне — 2 хвіліны 01,51 секунды. Ранейшае дасягненне таксама належала Шкурдай (2 хвіліны 01,77 секунды).
facebook.com/blrswimming
