Румас: выпускнікі ІТ-спецыяльнасцяў практычна ўсе застаюцца ў Беларусі
![Румас: выпускнікі ІТ-спецыяльнасцяў практычна ўсе застаюцца ў Беларусі](/sites/default/files/styles/gallery_main/public/2023-08/typing-849806_960_720.jpg.webp?itok=qzYkATUK)
Прэм'ер-міністр Беларусі Сяргей Румас выступіў на міжнародным форуме "Адкрытыя інавацыі-2019" у Сколкава. Ён падзяліўся пазітыўнай навіной — беларускія ўлады вырашаюць праблему адтоку з краіны кадраў.
"Уцечка мазгоў, якая ўчора здавалася катастрофай, сёння не з'яўляецца фатальнай праблемай, — гаварыў Румас. — Да нас пачалі вяртацца многія з тых, хто раней з'ехаў працаваць у іншыя краіны. Выпускнікі ІТ-спецыяльнасцяў практычна ўсе застаюцца ў Беларусі".
У сваёй прамове беларускі прэм'ер нагадаў пра іншыя поспехі: наша краіна стала адным з лідараў ва Усходняй Еўропе і СНД па экспарце софта, экспарт паслуг Парку высокіх тэхналогій па выніках гэтага года чакаецца ў памеры 2 млрд долараў.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.