Румас — Мядзведзеву: "Масква — Мінск... і на Берлін"
![Румас — Мядзведзеву: "Масква — Мінск... і на Берлін"](/sites/default/files/styles/gallery_main/public/2023-08/4f1ef403071211b3e86ac9b39dfc11e6.jpg.webp?itok=UTt_dIYC)
Прэм'ер-міністр Беларусі Сяргей Румас падчас наведвання Расіі выказаўся пра накірунак магчымага стварэння высокахуткаснай магістралі. Ён і расійскі прэм'ер Дзмітрый Мядзведзеў удзельнічаюць у міжнародным форуме ў Сколкава. Іх там азнаёмілі з макетамі новай чыгуначнай тэхнікі ("Ластаўкі" і газатурбавоза). Гаворка ішла пра будучыя распрацоўкі расійскімі спецыялістамі мадэлі высокахуткаснага руху. Падчас абмеркавання гучалі прапановы будаваць магістралі паміж Санкт-Пецярбургам і Масквой, ад Масквы да Казані.
І тут не вытрымаў Румас. "Масква — Мінск... і на Берлін", — цытуе яго прапанову ria.ru.
Мядзведзеў пагадзіўся, што варыянт будаўніцтва высокахуткаснай магістралі да Мінска цікавы і магчымы, хаця і ёсць на сённяшні дзень нейкая "бюракратычная праблема".
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
![Румас — Мядзведзеву: "Масква — Мінск... і на Берлін"](/sites/default/files/paragraphs/image/151154005000369220481440x9008011f54d92415130b0d80b4e528896dce26f.jpg)