Слонімскую сінагогу, пабудаваную ў 1642-м, купіла пісьменніца з Мінска
![Слонімскую сінагогу, пабудаваную ў 1642-м, купіла пісьменніца з Мінска](/sites/default/files/styles/gallery_main/public/2023-08/sinf.png.webp?itok=UZsH1Vwj)
Стала вядомае імя пакупніка слонімскай сінагогі, пабудаванай у 1642 годзе. Аукцыён прайшоў у канцы снежня 2020-га ў Гродне. Помнік архітэктуры быў прададзены менш чым за 30 тысяч рублёў (першапачаткова цана складала амаль 140 тысяч). Як піша "Слонімскі веснік", пакупніца — пісьменніца і педагог Ілона Караваева, яна ж Іаана Рыўз. Яна — сябра Саюза музычных дзеячаў Беларусі, піша казкі, у тым ліку і на англійскай мове.
Доўгі час сінагога ў Слоніма чакала рэстаўрацыі. Мясцовыя ўлады вялі перамовы з прадстаўнікамі замежных дабрачынных фондаў, але безвынікова. Некалькі аукцыёнаў у 2020-м не адбыліся, паколькі не было жадаючых купіць сінагогу. Справа ў тым, што новаму ўладальніку трэба ў вызначаныя тэрміны распрацаваць дакументацыю і правесці рэстаўрацыю помніка архітэктуры.
![Слонімскую сінагогу, пабудаваную ў 1642-м, купіла пісьменніца з Мінска](/sites/default/files/paragraphs/image/666eed8b460fa2a91e369050a62aa0ef.jpg)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.