Сяргей Стась стаў галоўным трэнерам мінскага "Юнацтва"
Сяргей Стась / vk.com/yunosthockey
Сяргей Стась стаў галоўным трэнерам мінскага "Юнацтва". У апошнія гады ён працаваў з хакейным клубам "Гомель", быў галоўным трэнерам маладзёжнай зборнай Беларусі, прызнаваўся найлепшым трэнерам краіны 2021 года. З вясны 2024-га ўваходзіць у трэнерскі штаб нацыянальнай зборнай.
Стасю 50 гадоў. Клубная прэс-служба адзначае, што ён — выхаванец хакейнай школы "Юнацтва". Пагадненне з ім разлічана да канца новага сезона.
Галоўным трэнерам "Гомеля" стане Уладзімір Копаць.
