У Беларусі абмежавалі доступ да 22 сайтаў
Міністэрства інфармацыі Беларусі абмежавала доступ да 22 сайтаў. Адзначаецца, што рашэнне было прынятае пасля атрымання дакумента з Міністэрства антыманапольнага рэгулявання і гандлю. Прычынай санкцый стала "размяшчэнне неналежнай рэкламы аб прадастаўленні пазык неабмежаванаму колу асоб".
Папярэдні раз Міністэрства інфармацыі забараняла доступ да 11 інтэрнэт-рэсурсаў у сярэдзіне снежня. Прычына была той жа.
