Тэлеграм апазіцыянера ўзламалі па схеме "падтрымай сваячніцу ў конкурсе"
Махляры працягваюць атакаваць беларусаў (ілюстрацыйнае фота) / pixabay.com
Махляры ўзламалі тэлеграм выканаўцы абавязкаў старшыні Беларускай сацыял-дэмакратычнай партыі "Народная грамада" Яўгена Вільскага. Адбылося гэта па схеме "падтрымай сваячніцу ў конкурсе". Спасылка, прымацаваная да паведамлення, фішынгавая — і вядзе зусім не на конкурс.
Цяпер спам рассылаецца і ад імя Вільскага. Калі бачыце падобныя паведамленні — не ўздумайце клікаць на спасылку! Маша Шастакова як-небудзь пераможа ў сваім конкурсе і без вашай падтрымкі.
Беларусы ўсё часцей становяцца ахвярамі самых разнастайных махляроў. Сярод пацярпелых — Аляксандр Ждановіч (Маляваныч), якому пасля сабралі дапамогу. Паводле статыстыкі, з махлярамі сутыкаецца палова беларускіх пенсіянераў.
