У Беларусі заблакавалі расійскі прапагандысцкі сайт
Сайт "Рэгнума" недасяжны/ Еўрарадыё
Расійскі прапагандысцкі сайт "Рэгнум" перастаў адкрывацца ў Беларусі, пры гэтым ён дасяжны з выкарыстаннем VPN. Гэта сведчыць аб тым, што выданне заблакавана міністэрствам інфармацыі.
"Регнум" — першае расійскае СМІ, якое заблакавалі ў Беларусі. У выпадку з "Камсамольскай праўдай" блакаваўся доступ толькі да беларускай "дачкі", галаўны сайт пры гэтым па-ранейшаму дасяжны.
У 2016 годзе беларускія сілавікі затрымалі трох беларусаў, якія выступалі аўтарамі партала "Рэгнум". У 2018-м яны атрымалі пяць гадоў пазбаўлення волі з адтэрміноўкай на тры гады, гэта значыць, фактычна, засталіся на волі.
