У матчы “Нёман” — “Юнацтва” пабіліся брамнікі, Мільчакоў — у накдаўне. Відэа
У трэцім перыядзе першага паядынку фінальнай серыі хакейнага чэмпіянату Беларусі паміж “Нёманам” і “Юнацтвам” адбылася масавая бойка. У ёй паўдзельнічалі і брамнікі. Гродзенец Віталь Трус адправіў мінчука Дзмітрыя Мільчакова ў накдаўн, і яму спатрэбілася медычная дапамога. Труса выдалілі да канца гульні.
“Нёман” атрымаў перамогу з лікам 2:1 (1:1, 1:0, 0:0). Статыстыку гл. тут. Гродзенцы павялі ў серыі да чатырох перамог.
Другі матч каманд пройдзе ў Гродне 29 сакавіка, пачатак у 18:30.
