Украіна ўжо валодае лазернай зброяй, якую назвалі "Трызуб"
У свеце ёсць толькі пяць краін, якія маюць такую зброю / twitter.com/DefenceHQ
Украіна ўжо валодае лазернай зброяй, якую назвалі "Трызуб". Пра гэта паведаміў камандуючы Сіл беспілотных сістэм Узброеных сіл Украіны палкоўнік Вадзім Сухарэўскі. Паводле яго слоў, на сённяшні дзень у свеце ёсць толькі пяць краін, якія маюць такую зброю. Яна можа збіваць самалёты на вышыні больш за два кіламетры, піша hromadske.ua.
Сілы беспілотных сістэм працуюць "над маштабаваннем і ўзмацненнем" такой зброі. Сухарэўскі падкрэслівае, што лазер "сапраўды працуе, ён сапраўды ёсць".
У пачатку года стала вядома, што Вялікабрытанія ўпершыню паспяхова правяла выпрабаванні лазернай зброі — DragonFire. Эксперты назвалі яе недарагой альтэрнатывай ракетам у сістэме супрацьпаветранай абароны. Міністр абароны Вялікабрытаніі хацеў даць яе Украіне для знішчэння расійскіх дронаў.
