Уначы ў Мінску ліквідавалі наступствы камунальнай аварыі
![Рамонт цепласеткі (ілюстрацыйнае фота)](/sites/default/files/styles/gallery_main/public/2024-01/pavel-rusak-12-of-31-kopiya.jpg.webp?itok=iZVLw-9S)
Рамонт цепласеткі (ілюстрацыйнае фота) / minsknews.by
Уначы ў Мінску ліквідавалі наступствы камунальнай аварыі. Без цяпла і гарачай вады былі амаль два дзясяткі жылых дамоў і Дом інваліда ў Партызанскім раёне.
Пра аварыю "Мінскэнерга" паведаміла ў аўторак каля 22-й гадзіны. Яе прычынай назвалі "пашкоджанне на ўчастку квартальнай сеткі". Участак цепласеткі быў пашкоджаны "падчас раскопак" у раёне Геалагічнага праезду.
Меркавалася, што гарачая вада і цяпло ў дамах па вуліцах Геалагічнай і Карвата з'явіцца толькі да 5-й гадзіны раніцы. Але гэта ўдалося зрабіць на дзве гадзіны раней.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.