Ужо паснедалі? Навукоўцы расказалі, як зварыць ідэальнае яйка

Італьянскія даследчыкі ўпершыню змадэлявалі працэс гатавання яек з дапамогай вылічальнай гідрадынамікі, піша ВВС.

Тыя, хто снедае дома, часта сутыкаюцца з расчараваннем ад няправільна зваранага яйка. Або бялок атрымліваецца агідна вадзяністым, або жаўток — перасушаным. Жаўток і бялковая частка яйка гатуюцца пры дзвюх розных тэмпературах. Жаўтку патрабуецца тэмпература ўсяго 65°C, а бялку — 85°C. Але цяпер навукоўцы ведаюць, што рабіць.

Аўтары назвалі свой падыход да варэння яек "перыядычным гатаваннем". Яны прапануюць спачатку варыць яйка ў рондалі з вадой пры тэмпературы 100 °C, а затым перакладаць яго ў цёплую міску (з тэмпературай прыкладна ў 30°C). Каб атрымаць найлепшыя вынікі, яйка неабходна перамяшчаць паміж двума тэмпературамі кожныя дзве хвіліны. І праварочваць гэта на працягу 32 хвілін.

Калі навукоўцы апрабавалі новы метад у рэальным жыцці, то сказалі, што вынік атрымаўся выключным. Яйка зварылася ідэальна.

Дарэчы, зваранае такім спосабам яйка яшчэ і больш карыснае. Хімічны аналіз паказаў, што жаўток такіх яек змяшчае больш поліфенолаў. Гэты клас злучэнняў вядомы сваімі антыаксідантнымі і супрацьзапаленчымі ўласцівасцямі. Эпідэміялагічныя даследаванні паказваюць, што высокае спажыванне поліфенолаў у рацыёне звязана са зніжэннем рызыкі сардэчна-сасудзістых захворванняў, вызначаных формаў рака і нейрадэгенератыўных захворванняў.

Так што калі ў вас ёсць паўгадзіны на варэнне яек на сняданак — можаце паспрабаваць!