У таматавай пасце з Магілёва не знайшлі таматавай пасты

У Беларусі забаранілі прадаваць кансерваваную таматавую пасту, вырабленую магілёўскім вытворцам ПУП "Бубянько".

Эксперты Дзяржстандарту вызначылі, што яна не адпавядае патрабаванням па бяспецы харчовай прадукцыі. У складзе гэтай пасты спецыялісты выявілі недапушчальную харчовую дабаўку — кансервант дыяксід серы (Е220). І вытворца не абазначыў гэтую дабаўку ў складзе прадукту.

Акрамя таго выявілася, што масавая доля растваральных сухіх рэчываў у прадукцыі склала 22,3% пры норме не менш за 25%. То бок, там недаставала ўласна самой таматавай пасты.

У Дзяжстандарце заявілі, што вытворца знарок надаў прадукту знешні выгляд таматавай пасты, але сам прадукт гэтай назве не адпавядае.