Выкладчык, які ўзяў у студэнтаў 500 рублёў, заплаціць штраф — 16 тысяч
Студэнты сабралі ў групе для выкладчыка 500 рублёў (ілюстрацыйнае фота) / Euroradio
Выкладчык баранавіцкага ВНУ, які ўзяў у студэнтаў хабар — 500 рублёў, заплаціць штраф — 16 тысяч. Ён асуджаны на адзін год калоніі ўзмоцненага рэжыму, паведамляе суд Баранавіцкага раёна і горада Баранавічы.
Паводле матэрыялаў справы, выкладчык узяў хабар у мінулым годзе. Студэнтам, якія сабралі грошы, гарантавалася здача экзамена па адной з дысцыплін (якой менавіта, не ўдакладняецца).
Адкуль сілавікі даведаліся пра хабар, невядома. Мужчына сваю віну ў судзе прызнаў.
