Выпусцілі каталіцкага святара, затрыманага ў Шуміліне
Ксёндз Павел Лемех / katolik.life
Каталіцкі святар Павел Лемех выйшаў на волю, паведамляе katolik.life.
Раней паведамлялася, што яго не выпусцілі пасля "сутак" і судзілі паўторна.
Паўла Лемеха затрымалі 8 траўня ў Шуміліне і асудзілі на 10 сутак арышту. Разам з ім быў затрыманы іншы ксёндз — Анджэй Юхневіч, які таксама служыць у Шуміліне. Юхневічу прысудзілі 15 сутак арышту, яго тэрмін заканчваецца 23 траўня. Абодвух ксяндзоў абвінавацілі ў "экстрэмізме".
Таксама асудзілі адну з парафіянак — за "экстрэмісцкую" падпіску ў сацсетцы. Яе пакаралі штрафам.
