Як спланаваць навагодні бюджэт і не застацца без грошай. Парады псіхолага

Падзяліце свае выдаткі на катэгорыі: падарункі, прадукты для стала, дэкор, касцюмы. Усталюйце для кожнай катэгорыі межы. Напрыклад, выдзеліце камфортную для вас суму на падарункі і не перавышайце яе.

Калі вы адчуваеце віну за тое, што выдаткуеце мала, падумайце: што на самой справе важнейшае — дарагі падарунак ці вашая стабільнасць? 
Нагадаеце сабе, што клопат пра сябе — гэта таксама частка свята.

2. Складзіце спіс пакупак

Людзі схільныя траціць больш, калі няма выразнага плана. Каб пазбегнуць гэтага:

Складзіце спіс сапраўды неабходнага.
Дадайце побач прыкладны кошт кожнага пункта і трымайце гэта перад вачыма, калі ідзяце ў краму.
Калі адчуваеце, што "цяжка спыніцца", задайце сабе пытанне: гэта імпульсіўнае жаданне або рэальная патрэба?

3. Усвядомце, што вамі рухае

Негатыўныя думкі гучаць у нашай галаве прыкладна так:

"Хачу быць лепшым за ўсіх". Напрыклад, вы хочаце падарыць самы дарагі падарунак, каб ўразіць. Нагадаеце сабе: важныя не грошы, а ўвага.

"Я баюся расчараваць". Гонка за чужымі чаканнямі і спробы любымі шляхамі пазбегнуць фрустравання другіх будуюцца на страху, а не на любові. Вы сапраўды хочаце дарыць падарункі і ствараць святочную атмасферу на падставе страху?

"Хай мяне шануюць!" (ці нават у негатыўнай канатацыі — "Я ім пакажу!") Будуючы сваю каштоўнасць у грашовым рэсурсе, вы, з аднаго боку, замацоўваеце пэўныя чаканні, з другога боку, самі пазбаўляеце сябе магчымасці адчуць сваю персанальную каштоўнасць. Бо сапраўдная блізкасць з людзьмі будуецца не на кошце падарунка, а на адносінах.

"У гэтым годзе я заслужыў". Так, вы заслужылі радасць, але ў тым ліку заслужылі і фінансавую стабільнасць. Давайце шукаць баланс паміж задавальненнем, спакоем і адказнасцю.

Складаючы план пакупак, смела выкрэслівайце з вашага спіса ўсё, што навеяна падобнымі з вышэйпералічанымі думкамі.

Падарункі, зробленыя сваімі рукамі, могуць быць больш каштоўнымі, чым дарагія пакупкі. Напрыклад, фотакнігі або ўласнаручна прыгатаваны дэсерт.

Замест пакупных упрыгожванняў выкарыстоўвайце тое, што ўжо ёсць дома, або зрабіце дэкор з дзецьмі. Гэта не толькі танней, але і весялей.

Калі няма грошай на новы касцюм для дзіцяці, папрасіце знаёмых пазычыць яго ці знайдзіце арэнду.

Прыдумайце "агульныя" падарункі, напрыклад —сумеснае ўражанне для ўсёй сям'і або гульню для некалькіх дзяцей, якая надоўга зойме іх уяўленне і цікавасць.

5. Кантралюйце выдаткі на месцы

Ідучы па пакупкі, бярыце з сабой толькі тую суму, якую плануеце патраціць. Калі вы выкарыстоўваеце картку, адсочвайце баланс у мабільнай праграме пасля кожнай пакупкі.

Калі з'яўляецца імпульс купіць незапланаванае, дайце сабе пару дзён на абдумванне — гэта пракладзе часовую дыстанцыю паміж эмоцыяй, якая спарадзіла імпульс, і самім дзеяннем, і калі за гэты час эмоцыя зменшыцца, то зменшыцца і імпульс, і тады атрымаецца пазбегнуць лішніх тратаў.

6. Сфакусуйцеся на эмоцыях, якія хочаце падарыць, а не на рэчах

Святы — гэта не пра грошы, а пра ўражанні. Замест таго каб нагружаць стол усімі вядомымі і невядомымі стравамі, а інтэр'ер — неймавернымі вынаходствамі дэкору, засяродзьцеся на атмасферы цяпла і ўтульнасці:

збярыце сям'ю ці сяброў на вечар настольных гульняў або сумесны прагляд фільмаў;

падрыхтуйце з дзецьмі віншаванні для блізкіх у выглядзе малюнкаў або паштовак;

арганізуйце вечар удзячнасці: хай кожны ўдзельнік свята раскажа, за што ён удзячны пражытаму году.

Важна памятаць, што стрэс ад лішніх тратаў можа падарваць радасць ад святаў. Людзі часта адчуваюць віну і расчараванне, калі бачаць, як пусцее кашалёк, або калі не могуць дазволіць усё, чаго хочуць, або тое, што бачаць у сацыяльных сетках у іншых. 

Ключ да таго, каб адчуваць сябе спакойна і ўпэўнена, — праца з каштоўнасцямі і арыентацыя на іх, а не на "карцінку". Увогуле, галоўнае —усведамленне і клопат пра сябе.

Няхай святы прынясуць вам цяпло, радасць і фінансавы спакой!