Зяленскі прапанаваў Расіі спыніць узаемныя ўдары па энергааб'ектах

Спыненне ўзаемных атак па аб'ектах энергетыкі можа спыніць вайну ва Украіне. Пра гэта ў інтэрв'ю The Financial Times заявіў прэзідэнт Украіны Уладзімір Зяленскі. 

"Мы бачылі падчас першага мірнага саміту, што магчыма рашэнне па энергетычнай бяспецы. Іншымі словамі, мы не атакуем іх энергетычную інфраструктуру, яны — нашу. Ці можа гэта прывесці да завяршэння гарачай фазы гэтай вайны? Я думаю, так", — сказаў Зяленскі. 

Пры гэтым Зяленскі ўпэўнены, што на перамовы з Кіевам Расія пойдзе толькі пасля выбараў у ЗША. 

Ад самага пачатку ўварвання Расія наносіць удары па ўкраінскай энергаінфраструктуры. У адказ Украіна атакуе расійскія НПЗ.