Ад расійскага абстрэлу пацярпелі 25 чалавек у Паўлаградзе на Днепрапятроўшчыне
Наступствы ўдару па Паўлаградскім раёне / t.me/dnipropetrovskaODA
У ноч на 1 траўня расійскія войскі зноў атакавалі Украіну. Як паведаміў галоўнакамандуючы УСУ Валерый Залужны, расіяне выпусцілі 18 крылатых ракет паветранага базіравання X-101 / X-555. Сілы ўкраінскай СПА знішчылі 15 ракет.
Ад расійскіх атак найбольш пацярпеў Паўлаградскі раён Днепрапятроўскай вобласці, паведамляе hromadske.ua са спасылкай на кіраўніка мясцовай абладміністрацыі Сяргея Лысака. Ад ракетнага ўдару там пацярпелі 25 чалавек, у тым ліку трое дзяцей.
У Паўлаградзе пашкодзілі прамысловае прадпрыемства, а таксама 19 шматпавярховак, 25 прыватных будынкаў, садкі, штолы, крамы.
