Беларускага бізнесоўца будуць судзіць па трох палітычных артыкулах
![Алег Самародскі](/sites/default/files/styles/gallery_main/public/2025-01/samarodski-2801-1.jpg.webp?itok=Rg_N9rs6)
Алег Самародскі / фота з базы "Кіберпартызанаў"
6 лютага ў Мінскім гарадскім судзе пачнецца разгляд справы бізнесоўца Алега Самародскага.
Яго вінавацяць па трох палітычных артыкулах — "удзел у экстрэмісцкім фармаванні" (ч. 3 арт. 361-3), "заклікі да прычынення шкоды Беларусі" (ч. 3 арт. 361 КК) і "распальванне варожасці" (ч. 1 арт. 130 КК). Як піша "Наша Ніва", Самародскаму яму пагражае да 12 гадоў пазбаўлення волі.
Акалічнасці яго справы невядомыя. Таксама невядома, калі яго затрымалі.
Як піша выданне, Алегу Самародскаму 61 год, у яго ёсць трое дзяцей. Ён ураджэнец расійскага горада Ражск у Разанскай вобласці, але жыве ў Беларусі і мае грамадзянства краіны. У 1985 Самародскі скончыў Мінскі інстытут замежных моў па спецыяльнасці "перакладчык з англійскай і французскай моў".
Усё жыццё мужчына займаўся бізнесам: быў кіраўніком фірмы "Уладкас" (вырошчванне гародніны, насення і рассады), а таксама дырэктарам фірмы "Белбаскітлід" (выраб драўлянай тары ды іншых рэчаў з дрэва) у Іўі Гродзенскай вобласці.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.