Беларускі комік прадаў від на жыхарства ў Расіі за 15 тысяч долараў

Стэндапер Ідрак Мірзалізадэ прадаў від на жыхарства РФ за 15 000 долараў. Падчас канцэрта на Балі беларускі комік зладзіў гумарыстычны аўкцыён, піша @breakingmash.

Спачатку Ідрак выстаўляў на продаж толькі NFT-версію дакумента, але за кошт у 5 эфіраў пагадзіўся аддаць і фізічны носьбіт. 

Непрыемнасці ў Ідрака пачаліся пасля жартаў пра ксенафобію і пра тое, як складана зняць кватэру ў Маскве людзям "неславянскай" знешнасці. У гэтым расійская паліцыя знайшла прыкметы "нянавісці і варожасці ў адносінах да асобаў рускай нацыянальнасці". 

Мірзалізадэ спачатку пакаралі 10 суткамі арышту, а пасля прызналі непажаданай персонай у Расіі.