Беларускія праваабаронцы атрымалі міжнародную прэмію ад Універсітэта Граца
Прэмія для IAPB / twitter.com/ICITBelarus
22 сакавіка Універсітэт Граца прысудзіў Міжнароднай платформе для Беларусі па прыцягненні вінаватых да адказнасці (International Accountability Platform for Belarus, IAPB) Міжнародную прэмію ў галіне правоў чалавека.
IAPB аб'ядноўвае беларускія і міжнародныя праваабарончыя арганізацыі, якія збіраюць, правяраюць і захоўваюць доказы таго, як рэжым Лукашэнкі ўчыняў сур’ёзныя парушэнні правоў чалавека, у тым ліку катаванні, напярэдадні прэзідэнцкіх выбараў 2020 года і ў далейшы перыяд.
IAPB пачала дзейнічаць у сакавіку 2021 года. Платформа карыстаецца падтрымкай шырокага кола дзяржаў Еўропы, а таксама ЕС, ЗША і Канады.
Today an international human rights prize of @UniGraz was awarded to @IAPBelarus, which collects evidence of gross human rights violations in Belarus and promotes accountability for perpetrators. @ICITBelarus is proud to be the IAPB’s co-lead organisation! pic.twitter.com/J5NmUx0zp8
— ICITB (@ICITBelarus) March 22, 2024
