Былы амбасадар Польшчы назваў перадумовы перамоваў з Беларуссю
Беларуска-польская мяжа
Перш чым прапаноўваць перамовы ўладам Варшавы Аляксандру Лукашэнка варта спыніцца "сеяць хаос" і супакоіць сітуацыю на беларуска-польскай мяжы, лічыць былы амбасадар Польшчы ў Беларусі Лешэк Шэрэпка. А да таго вызваліць прынамсі большую частку палітзняволеных, у тым ліку польскага журналіста і аднаго з лідараў Саюза палякаў у Беларусі Анджэя Пачобута. Экс-амбасадара цытуе польскае выданне Rzecz Pospolita.
Напрыканцы кастрычніка Аляксандр Лукашэнка казаў, што прапанаваў Варшаве "план міра і добрасуседства". Яго прапанова прагучала пасля таго, як у Польшчы прайшлі парламенцкія выбары. Ён пажадаў краіне шчаслівага Дня незалежнасці і ўхваліў выбар палякаў у нядаўняй палітычнай кампаніі.
На думку Лукашэнкі, гэты выбар "прадэманстраваў жаданне спыніць пошук унутраных супярэчнасцяў і знешніх пагроз". У заключэнне беларускі міністр замежных справаў Сяргей Алейнік заявіў, што Беларусь гатовая "да дыялогу з Польшчай".
