Бюджэт Беларусі на 2016 год зацвердзяць без уліку запланаванай дэнамінацыі
![Бюджэт Беларусі на 2016 год зацвердзяць без уліку запланаванай дэнамінацыі](/sites/default/files/styles/gallery_main/public/2023-08/1011306961fotolia715.jpg.webp?itok=042wgmUQ)
Бюджэт Беларусі на 2016 год зацвердзяць без уліку запланаванай дэнамінацыі. Пра гэта заявіў першы намеснік міністра фінансаў Максім Ермаловіч. Паводле яго слоў, галоўны фінансавы дакумент нашай краіны "будзе зацвярджацца ў цэнах 1 студзеня 2016 года". І толькі пасля таго, як 1 ліпеня наступнага года пройдзе дэнамінацыя, усе бюджэтныя паказчыкі перагледзяць. Пры гэтым зменяцца толькі наміналы, рэальны кошт бюджэтных сродкаў і іх напаўняльнасць, плацёжаздольнасць застануцца ранейшымі, інфармуе БЕЛТА.
Як паведамляла Еўрарадыё, указ аб правядзенні дэнамінацыі днямі падпісаў кіраўнік дзяржавы. У ліпені 2016-га з'явяцца новыя банкноты, упершыню — манеты. Беларускія грошы страцяць чатыры нулі. За 100 цяперашніх рублёў будуць даваць 1 капейку.
Фота: Fotolia