Чорная серада: навошта “зачышчаюць” беларускіх праваабаронцаў
14 ліпеня стала чарговым “чорным днём” у гісторыі сучаснай Беларусі: следам за незалежнымі СМІ пад татальную зачыстку патрапілі практычна ўсё праваабарончыя арганізацыі, Цэнтр эканамічных даследаванняў, Партыя БНФ і Рух “За свабоду”. І здарылася гэта фактычна адразу па вяртанні Лукашэнкі з Санкт-Пецярбурга, дзе ён быў з дакладам у Пуціна.
Ці можна гаварыць пра тое, што ў Беларусі адбываецца “завяршальная стадыя знішчэння грамадзянскай супольнасці”? Што будзе пасля таго, як гэтая стадыя завершыцца? Ці мае дачыненне да гэтых “зачыстак” Масква? На гэтыя ды іншыя пытанні адказвае кіраўнік варшаўскага Цэнтра палітычнага аналізу і прагнозу, доктар палітычных навук, палітычны аналітык Павел Усаў.
