...ці нават грызці лёд. Што трэба ведаць, каб не памерці ад цеплавога ўдару

Мы пацеем — гэта нармальная абарончая рэакцыя арганізма, а калі дзьме ветрык, мы астуджаемся. Таму як мага больш участкаў цела павінна быць адкрытымі, каб у нас была магчымасць пацець і астуджацца.

Акрамя таго, трэба выкарыстоўваць любыя астуджальныя прыстасаванні. Напрыклад, купіць сабе спецыяльную гелевую накладку на шыю альбо выкарыстоўваць любы халодны прадмет. Можна купіць бутэлечку з халоднай вадой і прыкладаць яе да шыі, запясцяў, локцяў (дзе сасуды), пад каленную рэпку (там, дзе сасуды блізка падыходзяць да скуры).

Трэба старацца па магчымасці знаходзіцца ў цяні, не праводзіць шмат часу на сонцы або ў душным памяшканні. Каб не самлець, чалавек павінны атрымліваць дастатковую колькасць кіслароду. Так што старайцеся трапляць пад ветрык, больш піце, купляйце ў аптэках спецыяльныя растворы электралітаў, каб аднавіць страчаныя з потам солі і не дапусціць абязводжвання арганізма.

І яшчэ — у гарачы дзень трэба абавязкова з'есці што-небудзь салёненькае.

Калі камусьці побач з вамі стала кепска і чалавек губляе прытомнасць, трэба адвесці яго ў цень і прапанаваць папіць. Добра, калі пад рукой ёсць раствор электралітаў. Калі яго няма — проста халодная вада.

Трэба абліць вадой усяго чалавека, знайсці што-небудзь халоднае і пакласці яму на шыю або падпаху; астуджаць, як можаце — дзьмуць, махаць веерам.

Абавязкова трэба ўкласці чалавека паляжаць, бо калі ён пачне губляць прытомнасць, то ўпадзе. Калі яму стане лепей, не трэба адразу ж уставаць.

Пабудзьце побач хоць бы 20 хвілін.

Калі вы бачыце, што стала кепска ў спёку чалавеку старэйшаму за 50 гадоў ці ў яго лішняя вага — гэта падстава адразу выклікаць хуткую дапамогу.

Як абараніць дзіця?

— Метады тыя ж, што і для дарослых.

Калі на вуліцы горача, не варта гуляць з дзіцем гадзінамі. Выходзьце на прагулкі да дзевятай раніцы і пасля восьмай вечара. Днём старайцеся сядзець дома або выходзьце ў цень на 15 хвілін.

І яшчэ — ні ў якім разе не пакідайце дзяцей у закрытай машыне, нават калі там ёсць кандыцыянер. Не трэба спадзявацца на механіку: па-першае, кандыцыянер можа раптам зламацца, па-другое, дзіця можа націснуць на кнопку і выключыць яго.

Будзьце ўважлівыя.