Дроны-камікадзэ паралізавалі працу трох з чатырох маскоўскіх аэрапортаў
Дрон у Падмаскоўі / MASH
Дроны-камікадзэ раніцай 10 лістапада даляцелі да Масквы. Проста цяпер іх чуюць і бачаць у падмаскоўных гарадах і раёнах: Дамадзедаве, Раменскім і Каломне.
Аэрапорт "Шарамеццева" перастаў прымаць і выпраўляць рэйсы. Тое самае з аэрапортамі "Дамадзедава" і "Жукоўскі". То бок, паралізаваная праца трох з чатырох маскоўскіх аэрапортаў. Працуе толькі "Унукава".
Маскоўскія ўлады распавядаюць, што па стане на 10:00 былі збітыя 32 беспілотнікі. Ад іх абломкаў, якія падаюць на зямлю, пачынаюцца пажары.
