Еўрапарламент прызнаў лідэра апазіцыі Гуайдо часовым прэзідэнтам Венесуэлы
31 студзеня Еўрапарламент прызнаў лідара апазіцыі Хуана Гуайдо часовым прэзідэнтам Венесуэлы. Пра гэта паведамляецца на сайце парламента ЕС.
За гэтае рашэнне прагаласавалі 439 дэпутатаў, супраць — 104, а яшчэ 88 парламентароў устрымаліся.
Як паведамлялася раней, 23 студзеня Хуан Гуайдо абвясціў сябе часовым выканаўцам абавязкаў прэзідэнта Венесуэлы. Яго падтрымалі ЗША, Аргенціна, Бразілія, Гватэмала, Гандурас, Грузія, Канада, Калумбія, Коста-Рыка, Панама, Парагвай, Перу, Чылі, Эквадор, Аўстралія ды Ізраіль.
